從來不喜歡預測大市嘅股神畢菲特，曾經作一個比喻，內容講到，在投資而言，用倒後鏡，相比擋風玻璃會睇得更清楚。
股神嘅說話並非沉溺過去，而是提醒了大家，回顧可以帶來機會自我反省，為未來一年搵出更好嘅路。
要數今年股王，不得不提美國網絡電視一哥Netflix。雖然Netflix在美國的新訂戶數目增長放緩，不過受惠海外訂戶數目增加，得到彌補。明年Netflix將會攻入亞洲，進軍的地區包括香港、日本、新加坡、南韓同台灣，預期可以帶動公司收入。
Netflix今年於標普500指數跑贏，年內累升1.4倍。如果由2009年起步開始計起，截至2014年止，升幅超過10倍。Netflix亦有大戶力撐，除了獲多隻互惠基金大手掃入之外，大鱷索羅斯今年亦都買入咗30萬股Netflix。
Netflix明年要保持升勢唔難，但同時亦要留意最大潛在對手的部署。而集團面對最大嘅潛在威脅，莫過於蘋果公司Apple TV。假如要鬥製作自家劇集，坐擁超過2千億美元現金的蘋果公司必定更有優勢；持有現金少過30億美金嘅Netflix，如果想打銀彈戰，老實講，就真係好難有得爭。
C+B
本欄逢周一刊出