羅霖、張敬軒及大部份「新城勁爆頒獎禮」的得獎歌手，前晚在九龍灣出席慶功宴，新城台長朱明銳即場宣佈退休。銳哥在去年的頒獎禮慶功宴上，因容祖兒缺席而指英皇大細超，並一度豎起中指摸鼻樑，他否認是被退休，公司亦未就該次事件給予壓力，並稱跟英皇關係良好，今年正式破冰，張敬軒亦是大贏家。
銳哥強調不覺在該件事上有錯：「舊年頒獎禮慶功宴上，講咗少少嘢，闖咗個禍，不過我唔覺得自己錯囉！但會諗係咪可以喺控制到自己發展情況下離開呢個圈？離開係開心嘅，只係有少少唔捨得啲同事。」銳哥透露離職後會加盟新公司，做綜藝娛樂有關工作。提到傳新城大裁員，他說：「真係唔清楚，答唔到你，唔想講呢個話題。」其他DJ就指沒聽聞公司大裁員。
羅霖收前夫律師信
此外，羅霖指得獎是一個鼓勵，但她哽咽說：「好唔開心平安夜收到我前夫（劉坤銘）律師信，話將來3個仔嘅學費可能只可能畀到三分二或三分一。細仔去完聖誕party，問可唔可以返到3年前未離婚嘅時候，我同佢講咗3次對唔住、唔可以。」
採訪：王連連
攝影：沈健程