【曼谷大爆炸】
港人旅遊熱點泰國曼谷，今年8月17日晚市中心四面佛附近發生大爆炸，炸死20人，炸傷123人，當中港人2死6傷。爆炸疑涉報復泰國打擊人口販賣，事發4個月4名疑犯落網，17人在逃。在場險死的港人女童朱心宇及朱日安夫婦對血肉橫飛場面，猶有餘悸。
「永遠記得曼谷爆炸受傷嗰個係我！」9歲女童朱心宇是最年輕港人傷者，當時她與爸爸朱景芬去旅行度暑假，事故中她右膝蓋遭鐵砂射穿割斷腳筋，頭面雙手遭炸彈碎片割傷，留醫10日回港，前後動過5次手術，雙腳遺留16條如蜈蚣般恐怖疤痕。
夫婦需時撫平傷口
9月開課升讀小學四年級，但上學一周又因右腳傷口發炎停學，朱父心如刀割「傷口手掌咁大，要喺大髀割塊皮補番！」10月底出院復課，她說「最驚個個升五年級，得我留班，唔想咁囉」。
劫後重生，樂天依然，心宇在家會上網當YouTuber，最難忘是街上陌生人送上祝福。經歷大爆炸，她不敢再去曼谷，今個聖誕跟父母去澳門散心。同樣歷險的朱日安夫婦，回憶爆炸突然，「距離10幾呎，見到賣雀仔放生嗰兩個人冇咗個頭」。朱日安當日拖着「成身血」的妻子狂奔逃命，其後夫婦分送兩間醫院致「失散」，朱太一度在社交群組尋夫。
大難不死，朱日安全身留下20多個傷口，背脊同臀部傷痕纍纍，碎片入肉1吋深，朱太左前額劃破3吋疤痕，後腦亦受傷，共縫12針。留醫4日後回港，二人於兩地機場面對鏡頭又攬又錫，溫馨十足。
4個月過去，朱日安說「一合眼就見到嗰啲畫面，好驚！」本是泰國人的朱太上月曾到曼谷，但亦不敢重回四面佛舊地，尚需時間撫平心靈傷口。
■記者金敏琍、張鼎和、周子惇