洗米華(周焯華)的正印陳慧玲（Heidi），因為第三者Mandy Lieu嘅關係，堅決離婚。
之前有指洗米華有14億身家，所以Heidi有機會分到他的一半身家。但據澳門賭業中人透露，洗米華身家被外界低估，一定唔止14億，最保守都有100億身家，所以洗米嫂一旦與老公離婚，估計最少都可以分番20億至30億身家，到時有樣有錢，應該大把嘢可以做。聽洗米嫂閨蜜說：「之前為老公不忠，佢係好傷心，但經歷咗咁多事後，已經係哀莫大於心死，已經想通咗！有咗決定後，個心反而變得平靜。」
自從洗米嫂決定要同老公離婚後，無論家人或朋友都有支持同反對離婚聲音，好似一直支持她的向華強太太陳嵐就勸過她不應該放棄，把正印位置拱手相讓給小三，但洗米嫂今次不想再受任何人左右，只想做一些令自己覺得舒服的決定，明知道緣盡了，勉強沒有幸福，所以才下定決心要離婚，反而是男方在拖拖拉拉，一直不願離婚，希望可以繼續享齊人之福。