求驗客手記：
車女「色誘」熱刺迷頂得住

喺聖誕，西方有kiss under the mistletoe（聖誕樹下之吻）嘅習慣，大意係有情人會終成眷屬，敵人則會化敵為友等等；而日前車路士球迷頻道（ChelseaFansChannel）嘅靚女主持蘇菲就進行真人測試，佢同製作人員帶埋聖誕樹葉，深入倫敦宿敵熱刺球迷嘅地盤，向熱刺躉「露真身」表明自己係車路士球迷之後，睇佢哋肯唔肯同蘇菲kiss under the mistletoe。

雖然蘇菲熱情又靚女，仲要係兼職模特兒（圖），不過，原來唔少熱刺躉都忠於自己嘅球隊，蘇菲要施展渾身解數先險勝7:5，即係喺12個熱刺躉之中，有五個唔肯錫佢呀！睇到我求大俠恨不得即刻去呵番佢。