早排走本土路線嘅新民主同盟喺區選大勝，國師陳雲同佢班本土支持者就向新同盟立會議員范國威開火，話佢搶咗本土光環，但又走去同大中華泛民做同路人。不過又唔係個個學國師嘅本土理論，國師都會開火，好似對青年民建聯，國師明顯對佢哋好讚賞！早排青年民記話吸取區選經驗，以後諗嘢會更本土，國師就喺佢facebook出帖點評「青年民建聯也走向本土」，話青年民記嘅本土立場係模仿區議會傘兵，係加強街市捉老鼠，仲話土共喺香港人嘅米缸放老鼠、即係老弱新移民喎，𠵱家喺街市捉番，算係好大進步！