「Do you want to build a snowman...」過白色聖誕與愛人「鴛鴦戲雪」是不少女孩夢想，就如真．美國歌手Taylor Swift與男友Calvin Harris般齊齊砌雪人大放閃光彈。事實上，香港天氣已近似春天，唔好話玩雪，想要番啲聖誕氣氛都冇，條街又多人到連希特拉都book唔到枱食飯，嬲嬲哋不如留係屋企小酌怡情。英國University of Bristol研究指出，不論男女淺嘗一杯紅酒，臉部肌肉會放鬆，瞳孔會擴大，臉頰潮紅會使人變得性感，伴侶見狀亦會增添性慾，希望與你纏綿一番。原來唔止飲酒，連聞吓都有用，紅酒香氣可令情愛氣氛更濃厚，自然更想談情說性。其他酒點解冇紅酒咁好？因為紅酒香氣最能散發浪漫氣息，酒精濃度亦剛好適中不至飲醉，處於半醉半醒迷濛之間，能夠加強官能刺激。另外，因為白酒較醒胃、啤酒較清爽醒神、龍舌蘭與威士忌較陽剛味重，故要有個浪漫聖誕夜，紅酒才是王道啊。
資料來源：Vinepair
記者：楊麗珊