好多香港人會趁聖誕假外遊，港區人大王敏剛就同全國人大常委范徐麗泰、「梁粉」兼港區人大黃玉山，喺北京度過平安夜。王敏剛喺facebook發帖，話佢同范太同黃玉山去咗北京出名多購物中心同食肆的藍色港灣食聖誕大餐同日本和食。不過唔知係咪玩得太開心，熟悉北京的王敏剛竟將北京藍色港灣寫錯咗做「南」色港灣。王敏剛又喺fb話，平安夜當晚冇訂枱，所以覺得能夠有枱開到飯已好感恩，話當晚三人同幾個留英、留美同喺北京讀書的年輕人同枱食飯，分享到北京年輕一代嘅喜悅喎。