平安夜周圍都有人報佳音，八方就覺得一個人最開心，因為可以上網食花生。好似噚日網上就流傳一幅相，見到油麻地福臨教會一班教友，去咗榕樹頭天后古廟報佳音，仲要掛埋條橫額喺古廟門外。福臨個facebook專頁都有上載啲相，望落約有200人，教友帶齊咪同喇叭等架生，唔通想搵天后娘娘battle？
浸大宗教及哲學系高級講師陳士齊就覺得間教會唔係咁恰當，因為報佳音應該去人群中報，覺得有少少挑機喎，隨時有反效果。其實福臨教會都唔係第一次去搵天后娘娘報佳音，佢哋2013年平安夜都試過，仲話有7間教會機構400人出席。