擅演賢妻良母的資深粵語片紅星紫羅蓮（原名鄒潔蓮），剛在23日度過91歲生日，不幸於前晚平安夜離世。她當年與吳楚帆、張瑛等合作無間，除代表作除《呆佬拜壽》外，她更是第一代《書劍恩仇錄》的霍青桐，60年代中退出影壇後仍偶有出席活動，最後一次是上月中與陳寶珠出席《開心兒童粵劇專場》。
紫羅蓮是基督徒，生前跟同是基督徒的歐錦棠太太萬斯敏相熟，歐錦棠昨在電話中證實紫羅蓮死訊說：「我個姪同梨園中人相熟，佢收到紫羅蓮噚晚走咗。究竟係病、喺屋企定醫院，暫時都未知，因為聯絡唔上佢嘅家人。我見過佢幾次，佢好雍容華貴，就算年紀大咗一頭銀髮都好靚，平時出街舉止打扮好講究，佢嗰種雍容，𠵱家嗰啲係冇嘅。」萬斯敏則慨嘆說：「幾年前一齊去新加坡巡迴佈道，我做舞台劇，佢就做見證，有一齊傾偈，一齊相處咗幾日。佢好樂觀好開朗，成日都笑。聽到呢個消息好突然，因為我一路期望搵佢上嚟創世電視做訪問，好遺憾一路冇機會。」
仙姐冇出聲
原來白雪仙前晚亦聞得紫羅蓮死訊，劉培基昨日說：「噚晚同仙姐一班朋友食飯，大家收到呢個消息，仙姐聽到都唔開心，完全冇出聲，佢經歷呢啲太多！我雖然唔識紫羅蓮，但身邊好多朋友識佢，佢係一個值得尊重前輩，真係好可惜！」
曾與紫羅蓮合作的胡楓說：「佢好風趣，係一位好好嘅前輩。佢都大年紀，如果健康咁走，都係一件好事。」曾合作的譚倩紅對紫羅蓮死訊表示愕然。
採訪：魯吉、皓騫
