因為達成終身夢想所以㷫烚烚？話說有一名25歲多蒙特球迷，喺周二晚非法闖入「蜜蜂兵團」嘅主場西格納伊度納公園球場，仲喺草地上大踢光豬足球，結果就梗係俾警察拉咗。呢名球迷話，佢嘅夢想就係喺多蒙特踢波，點知越踢越熱，所以就除晒啲衫褲喎！雖然佢達成咗夢想，但代價都好大，因為蜜蜂兵團話會終身唔再畀佢入場呀！
