昨日係平安夜，大劉劉鑾雄同紅顏知己甘比，如常到灣仔福臨門食晏。
接近中午時分，大劉先由秘書同一名疑似看護嘅女士陪同到達，一如既往，大劉都係着住藍配黑嘅裝束，落車後箭步入酒樓。20分鐘後，甘比就獨自坐住1 LOVE YOU房車抵達，今日平安夜，甘比似乎悉心打扮，着住黑、白色間條上衣配毛毛背心，手拎Hermes依然貴氣，好有聖誕氣氛添喎！
大劉一對仔女昨日未有同行，佢哋食咗一個鐘左右就離開，甘比做人肉扶手，大劉就捉住甘比隻手，捉到實一實，小心翼翼行落樓梯。問下大劉聖誕會點樣慶祝？會唔會出埠玩下？佢哋又係一如既往……冇答到。甘比送大劉上咗七人車之後，就自己上咗另一部房車離開。