周子揚大爆若要做何家女婿，未娶老婆入門已經要畀生活費。其實去年5月何傲兒胞姊何傲芝與蕭正楠分手時，已傳過何傲芝當正男方是「提款機」，終令蕭正楠頂唔順要分開，其間有傳各自有黃翠如及馬主介入，四角關係非常複雜。
31歲何傲芝最近與年輕5載的富二代新人張明偉拍拖，但有傳何傲芝同時暗交一位年約40歲的隱形富豪，但被張明偉發現一腳踏兩船，終不歡而散。張明偉昨被問有否曾被何家要求給6位數交稅解困？他在電話中回應：「吓？完全冇咁嘅事。」再問是否與何傲芝拍拖？張明偉稱：「冇，否認咗，我哋係普通朋友，冇任何壓力。」問何傲芝是否劈腿？他說：「點解問我？我都唔係好想答，由頭到尾都否認（拍拖）。」而何傲芝至截稿前仍未回覆。
採訪：嵐山