網絡「關公災難」日日有，最新跪於「關公刀」下嘅係港鐵（066）…冇錯，「乜又係你呀陳生？」話說港鐵Facebook推出新Campaign，叫啲網民創作對白玩吓遊戲咁。即係咁，網民嘅創意真係唔可以睇少！小宇宙爆發起上嚟，真係點只嚇到阿姐個心離一離呀？離兩離都仲得！
上圖就係港鐵噚日Upload嘅，叫人估下呢位乘客，喺月台遇到咩事咁焦急，答案三揀一，A. 送車尾！B. 點解嘅！C. 有賊呀！咁網民又點會真係咁懶俾ABC你就算，識睇真係要睇留言，以下為精選答案：
Jackie Mo：又壞車出煙喇，快啲走啦！唔係一陣又一大棚人塞死地鐵站呀
Nelson Lam：真實答案：「由於訊號故障關係，xx線將維持每8分鐘一班列車，不便之處敬請原諒」之後俾個賊上到車，點知逃走時那個站的扶手電梯，發生食人事件，個賊就咁死左
On Kangus：先嚟港鐵Made In China嘅扶手梯又食人急住逃生，安全到月台又遇上Made In China啲電纜又有故障搞到無車，逼左上架Made In China列車點知無故玩自焚。最後都係死响港鐵手上，由趕返工到趕住去投胎；由逃生變往生！搭港鐵真係令人好焦急㗎！
Sum Wong：D.又加價啦！
港鐵近年形象低落，Delay、壞車、加價，怨氣本來已經夠深，所以幾乎每次港鐵出Post，留言都會充斥同北京霧霾一樣咁厚嘅怨氣！好衰唔衰，港鐵噚日又再一次發生炒電梯事故，想網民唔借Facebook抽水？真係搞好服務質素先講嘢啦。不過，都要同負責港鐵Facebook嘅Agency講一句：Admin加油，辛苦你了。
by千頌C@堆填區
http://fb.com/winbigwok