【面臨困境】
利時商場現時面臨困境，商戶異口同聲表示，減租亦無法挽救，未必可以捱過今次零售寒冬。
在商場1樓售賣特色家品不願上鏡的張先生，自99年已在利時開舖，一做16年，主要售賣歐洲二手家品。他指近半年商場出現問題，「以前商場有吉位，都好快有人租番，但近半年好多舖租客走咗都冇人租」。死因在於本地消費力疲弱，內地客亦減少。
看淡聖誕生意
張先生指現時消費弱，聖誕節亦無購物氣氛，「以前11月中已經慢慢感受到聖誕旺季，但今年到𠵱家都冇，相信今年都唔樂觀」。他認為，近年商場的個性小店消失，自家設計的貨品減少，有部份店舖在其他商場都有分店，客流自然減少。
其舖位在半年前才續租，因與業主租用多年，續租租金亦合理，「但呢半年都唔係好得，仲做唔做落去都要睇多段時間」。
而在商場3樓同樣不願上鏡開時裝店的老闆Mark原本在地下開舖，因生意萎縮，今年6月由地下搬上3樓，月租由4.5萬元節省至3.5萬元，月慳1萬元，租約簽兩年，近兩個月再獲業主額外減租3,000元。在商場已開業10年，近三年商場人氣明顯下滑，人流逐年減少，「換季都冇生意，今年聖誕已經唔使睇，預期過埋年生約到期後就唔玩」。商場生意一年比一年差，今年比去年差三成，每月蝕5位數字。