特首梁振英今年10月突然開設facebook戶口「CY Leung」，其後fb戶口多次消失又復活，唔知係咪被網民檢舉後遭fb封鎖！噚日朝早佢個fb賬戶再次消失喎，原因不明，晏晝先重新出現番。
八方打過畀新聞統籌專員馮煒光，截稿前冇回覆；特首辦則向傳媒稱，已經問過fb公司，點解朝早出現短暫未能運作情況，正等候fb回覆，但強調CY嘅fb，會繼續運作。
查實CY呢個fb都幾多事，好似佢早前喺fb上載同Beyond成員黃家強合照（圖）之餘，仲放埋合唱嘅《喜歡你》，就被網民質疑一旦俗稱「網絡23條」嘅版權修訂條例通過，此舉已屬違法，搞到特首辦事後要補鑊，向香港作曲家及作詞家協會申請番相關牌照。