【本報訊】曾為前衛潮流服飾集中地的尖沙嘴嘉蘭圍利時商場，與旺角中心、銅鑼灣金百利等曾瘋魔年輕人世界的商場一樣，面對自沙士以來的逆境。現時商場空置率逾12%，聖誕佳節當前人流稀疏，商戶恐怕未能收到「聖誕禮物」之餘，亦將醞釀新一輪退租潮。
利時商場地下至4樓共5層，共有191個舖位，大部份都是售賣潮流服飾的店舖，現時有24個舖位空置，即空置率超過12%。其中最高層的4樓有10個吉舖，空置率最高。而租金較貴的地舖都有5個吉舖。雖然商場已擺滿聖誕裝飾，但毫無聖誕購物氣氛，商戶叫苦，準備完成聖誕或農曆新年檔期後便會撤退。
商戶醞釀退租潮
商場其中一名知名大業主、風水師蘇民峰慨嘆商場人氣急跌，「近嚟好唔掂」，有部份打算提早退租離場。蘇民峰於2006年期間，大手斥2,370萬元連掃利時商場6個舖位，分佈地下至3樓，現時全數租出，但有其中兩個租戶準備退租。
有一個租用自己舖位九年的租戶，明言做完聖誕檔期就結業。「個租客由我買嗰年（2006年）開始租，佢都話唔夠生意，諗住做埋聖誕就走」。其舖位由當年3.5萬元加至最近4.2萬元，九年來累加租兩成，「個舖算係加得最少租，要走都冇辦法」。
蘇民峰更感嘆商場人氣跌得太快，「有租客4月仲肯加租續約，證明做到生意啦！點知到呢排話唔掂，想提早走，證明呢半年幾差，生意做埋唔夠交租」。
利時現時淪陷，蘇民峰直指其他業主加租太狼，令不少店舖無法支撐，「做生意唔係蝕都要做嘛，要蝕錢不如執咗佢打工好過」。他認為只要全部業主都肯面對現實減租，相信商場仍有得翻生，並指明年秋天，零售業將有轉機。
目前利時不少吉舖都貼上「特平租金」、「可長短約」招攬租客。據了解，現時所有吉舖租金都已大減，叫租比上份租約減一成以上，最多更高達26%。如2樓217號舖，約130方呎，前租戶時裝店月租3.8萬元，但提早4個月遷出，之前曾降至3.3萬元，目前叫租已減至2.8萬元，月租比之前平1萬元，但呎租仍逾200元，貴過旺角中心及金百利等同類知名商場舖。
【年輕人意見】
文小姐：「本身係做緊文職工作，雖然成日行過加連威老道，但根本唔知利時商場喺邊。」
黃小姐：「今次同朋友行利時商場，諗住買禮物過聖誕，不過未決定用幾多錢消費。」
記者：程俊華