英美娛樂圈唔少歌手、影視星都鍾意不時上載相到instagram同粉絲溝通，update下生活近況，同粉絲拉近距離。不過亦都係咁，有藝人會毫無保留咁同大家分享佢哋嘅私生活，連身材都唔介意分享埋。呢度選出於過去一年，十張instagram最裸露嘅名人照片。晒身材唔再係女星專利，連加拿大歌手Justin Bieber都有份。
1.美國真人騷女星Kim Kardashian
Kim姐懷住囝囝Saint West時，於鏡前全裸自拍，凸顯自己有巨肚、巨胸及巨屁股，成為一時焦點。
2.加拿大歌手Justin Bieber
最愛晒肌肉嘅小Justin去旅行時不忘全裸影後，晒個八月十五俾全球睇。雖然佢立即刪除相片，但係已被網民cap圖。
3.美國歌手Miley Cyrus
Miley近期最愛露裸，佢亦唔介意喺IG狂晒身材，不過佢好有手尾嘅，次次都會遮晒重要部位先會上載到IG
4.加拿大性感女星彭美拉安德遜(Pamela Anderson)
拉姑雖然已經48歲，但身材依然keep得好好。佢早排於IG上載全裸照宣佈自己嘅丙型肝炎已經好番晒。雖然兩者冇乜關係，不過都係好消息嘅。
5.美國女星Tara Reid
《美國處男》女星Tara近年事業浮沈，加上佢做過手術去減肥及隆過胸，搞到身材走晒樣，不過佢都唔介意照騷quali，仲上載出浴照。
6.美國清談節目主持Chelsea Handler
Chelsea最鍾意係冇束縛，所以佢IG不時有好多唔着上衣嘅相。佢今年仲upload過企喺露台半裸嘅相。
7.美國模特兒Gigi Hadid
近期紅爆嘅Gigi雖然平時拍廣告都已露慣，不過佢亦於IG上載半裸自拍相，唔怪得有咁多粉絲。
8.美國歌手Christina Aguilera
Christina有一排係突然間好肥，不過佢努力減磅終於成功。佢今年仲自拍只用雙手掩胸嘅半裸照俾大家睇佢成果。
9.美國女星蓮莎露夏恩(Lindsay Lohan)
事業已無起色嘅蓮莎，平時冇乜嘢撈，有好多時間剩，所以佢都成日玩IG，不過佢即使影半裸自拍相，都係挽救唔到佢嘅受歡迎程度。
10.美國歌手John Legend及模特兒妻Chrissy Teigen
John同老婆出名恩愛，甚至有啲令人眼冤嘅感覺。Chrissy除咗自己不時影性感照，仲會偷影老公嘅裸照放上網，好攞命。