蘇麗珊在電影《哪一天我們會飛》中飾演年輕版的余鳳芝，即是楊千嬅扮演的角色，以清純秀麗的形象在螢幕前令人眼前一亮，瞬間成為宅男心目中的女神。可惜，女神轉眼間已名花有主，在本月1日女神被踢爆戀上戲中新晉男演員游學修，宅男夢碎。
拍拖不久的蘇麗珊跟游學修已經見過家長，又一齊做冬，第一個聖誕節他們又會怎樣過呢？日前她接受本報專訪時，笑咪咪說：「今個聖誕節我終於唔使一個人過嘞，希望我哋唔好嗌交啦，同埋好想聖誕節見多啲朋友，你哋拍拖就拍得開心啲喇，如果冇拍拖就搵吓friend囉，搵吓屋企人一齊過囉，一樣可以好開心嘅，好喇！祝大家聖誕快樂喇！」
怕發脾氣
今日女神將會與男友游學修度過他們的首個平安夜，問二人安排甚麼節目和將會去哪裏迎接聖誕？她甜絲絲說：「去啲平安啲嘅地方，我唔知呀！未諗呀，第一年一齊過聖誕，希望佢唔好發我脾氣，啲人話聖誕節好易嗌交，我好耐冇試過拍拖過聖誕節，都有少少期待嘅，有幾年冇拍拖，好耐喇！不過食聖誕大餐，我又好驚肥喎。不過聖誕節都要食嘅，我唔知，但係我又好驚好多人喎，一係屋企煮囉！」在家玩煮飯仔會否更加不平安？蘇麗珊即尷尬地說：「哈哈，屋企煮好平安。」至於送甚麼聖誕禮物給男友，她說：「我未諗，我唔知喎，到時先，唔講得住。」
採訪：楊潔雯
服裝：agnès b.