有「內地女股神」之稱嘅西京投資主席劉央一向睇好中港股市，以往每逢接受傳媒訪問，佢都係唱好股市居多，有人甚至叫佢做「牛央」，近呢一兩年，佢就轉趨低調，好少高調現身，不過近日有人收到佢一份相當特別嘅聖誕禮物。
有人收到一盒名為「央姐一號」嘅複合香薰油，急不及待影相開心share，盒內有兩支複合香薰油，印有一大段劉央簡介，主要講佢履歷，仲有劉央嘅嘜頭。華華噚日試過打電話搵劉央，想問佢幾時開始建立「央姐一號」呢個品牌，可惜一直聯絡不上，可能佢外遊了吧。
講起劉央，佢喺今年中A股回落時指A股冇泡沫，只係「天熱，也應該洗一洗涼水澡」佢又預料恒生指數可於今年底升上3萬點，恒指𠵱家喺兩萬二水平，仲有幾個交易日，斷估都好難見到3萬點了。