【本報訊】小三生明年免考TSA願望暫時落空，即要繼續「備戰」。有家長為免教師難做，會叫子女照做TSA練習，但明年6月考試時會請病假而缺席。幼女正讀小三的九龍城家長教師會聯會會長陳鳳雯，批評TSA題目刁鑽，促當局改革試題。
批評題目艱深刁鑽
長女讀小三的葵涌家長何女士表示，女兒今個假期有逾5項TSA假期功課，「若教育局話明年停考，心態會輕鬆啲，起碼明年唔使考，捱埋呢堆假期功課。」不過期望落空，她稱不會為難教師，會叫女兒照做功課，「（明年6月）考試時咪請病假唔考，教育局得唔到數據，一拍兩散。」
九龍城家長陳鳳雯昨稱TSA也有其功能，沒要求必須取消，但促當局在設題時配合學生學習情況。她稱看過近年考試及評核局所出的TSA題目，對於該局秘書長唐創時前日在電台節中稱越來越淺，她無法認同，「唔係深咗，但刁鑽咗、唔係平鋪直敍，TSA唔應出IQ題，𠵱家唔係考文憑試、通識。」她指女兒Miumiu就讀的小學無操練TSA，她不會特別教導女兒備試，「考TSA唔係要佢考狀元。」
■記者倪清江