求驗客手記:金英權壓老孫當選

求驗客手記:金英權壓老孫當選

臨近年尾,好多國家都舉行頒獎典禮,選出過去一年表現最好嘅球員,其中效力廣州恒大嘅中堅金英權就好鬼威水,力壓踢緊英超嘅孫興民同埋奇誠庸,做咗今年嘅南韓足球先生。呢個獎係由南韓足協同傳媒一齊選出嚟,雖然孫興民同埋奇誠庸實力強啲,但金英權今年拎到嘅榮譽更多,除咗贏得亞冠盃之外,佢喺夏天仲以隊長身份帶領南韓拎咗東亞盃,大大加分。另外,FC多倫多嘅米高巴特利就當選美國足球先生,佢今年帶球會首次打入美職聯季後賽;至於巴塞隆拿門將哥迪奧巴禾仲威水,當選今年智利嘅最佳運動員。《法國足球》昨日公佈,巴黎聖日耳門中場馬度迪力壓保羅普巴,當選今年最佳法國球員。