噚日係冬至，經常喺傳統節日出沒、上載相片呃like嘅美國駐港總領事夏千福又嚟喇。佢噚日上載一張佢到街市買餸、買雞，跟住同朋友打邊爐嘅相，短短兩小時，已經有過千likes。夏千福喺領事館嘅fb留言，話自己由買雞到同朋友打邊爐，過咗一個好開心嘅冬至，話希望人人都可以同家人、朋友食得開心啲。
不過，多位網民就留言，促請夏千福唔好再叫立法會支持《版權修訂條例》：「放香港人一馬，唔該。這樣勝過在fb刊登閣下的玉照。」
