香港推出電池的品牌X-POWER，今個星期又有新尿袋落場，最特別之處，是使用了5個USB頭設計，分別為三個1A，及兩個2.4A智能輸出，如果問用得着嗎？其實以佢13,600mAh的電量，同時叉滿三部高效能智能手機已經相當盡；反而一些愛玩Action Cam、USB相機電池叉電、幾部藍牙耳機，又或同一時間叉幾部芭蕉扇會實用啲，以佢多插口設計，對應多件低效能流動裝置，係佢最大用處！不過平時用嚟叉手機亦冇問題啦。
機身用料方面，產品標明使用了優質的三洋電池，這點比不知名的國產電穩陣得多，總輸出為5.4A，以五頭設計是有點少了，但相對一般市面買到的尿袋，已經是效能不俗，新機落地價$398。
A-Grade（深水埗欽洲街94號黃金中心地舖4-7）
記者：朱崇德