坤哥吳業坤日前喺《勁歌金曲頒獎禮》攞咗兩個獎，包括「最受歡迎新人獎」，坤哥唔理眼鏡起霧，喊住唱咗呢首《陽光點的歌》。呢一刻，自認係一名毒男嘅坤哥終於一吐烏氣，人人為佢拍掌。
「唱情歌要有感情，首先你要有女朋友。」好多毒男同網友可能會咁諗，咁到底坤哥嘅女朋友係邊個？坤哥攞完獎之後，有份同佢演《愛．回家》嘅龔嘉欣就咁啱喺微博留言：「我願意成為你的陽光。」似乎係回應坤哥嘅《陽光點的歌》嚟示愛。昨日龔嘉欣又喺微博留言：「接踵而來的好消息，為我帶來鼓勵，路雖是漫長，但我並不孤單，我不會怕，努力向前衝，fighting。」好消息？唔通龔嘉欣公開戀情？
有網友就認為坤哥贏咗獎爆紅，先有人承認戀情，亦網民覺得有人黐坤哥嘅人氣。本報就收到消息，原來龔嘉欣為咗呢件事好唔開心，好介意同坤哥傳緋聞，呢一切都係誤會，佢留言嘅「好消息」，只係接咗個聖誕job，酬勞好好，所以好開心。
唔知坤哥家陣想唔想唱番首《原來她不夠愛我》？