騎師莫雷拉陣上可以話所向披靡，廣受各方支持，部份練馬師搵得莫雷拉幫手之馬，必屬爭勝份子，苗禮德正是其中之一，今季苗廐馬九次起用莫雷拉上陣，取得三冠兩亞三季，僅一次唔入三甲，上名率近90%。周三(23日)賽事苗禮德將「無敵劍俠」及「珍珠旺」一併交由莫雷拉上陣，已顯示出擊之決心。
第一場五班1650米之「無敵劍俠」近四次評40分以下出賽，獲一勝兩位一殿，包括近兩仗均在同班同程賽事入位，反映在目前評分已有迴旋餘地，睇番此駒前季初配莫雷拉即勝，上季一次起用雷神，亦跑入接近的第四名，今次重召這位高手壓陣，睇得出想趁馬勇贏番場，以向幕後交代。
至於第四場四班1650米之「珍珠旺」，近兩季三次配莫雷拉未失三甲，而且今季唯一上名，正是由此子經手，當時僅不敵「常勝龍王」而壓倒「紫電明珠」，以上兩駒之後俱在三班交出表現，「珍珠旺」留在四班其利可知，回配最佳配搭，可坐位望贏。