黃家強前晚在東莞出席內地品牌金立手機發佈會，跟亡兄黃家駒的投影對唱《海闊天空》，家強在廣告內更跟「家駒」深情擁抱，被網友狠批是「膠駒」，家強昨日回覆本報指那個家駒由內地模仿大賽冠軍所扮：「我演出嗰陣掛住投入唱歌，冇乜點望到，𠵱家睇番咁近嘅相，就覺得真係唔係幾似。」
問到當晚是否有人扮家駒唱歌？家強否認：「冇咁嘅事，全部都係我一個唱，家駒不過係一個好遠嘅影像，寓意隔空一同出現，冇家駒把聲㗎。發佈會上覺得幾感動，我捐咗110萬，冇諗過金立老闆再捐多110萬出來，以家駒名義起學校、圖書館、兒童快樂家園，相信好多小朋友可以受惠。」
採訪：皓騫
