財爺曾俊華上周宣佈成立未來基金，將政府逾2,000多億土地基金結餘「鎖死」10年。季陶記得曾俊華最初提出未來基金想法，不論建制或泛民議員，均有人批他是「守財奴」，但出奇地到未來基金正式成立，卻未見有議員出來反對。有議員私下對季陶說，今時不同往日，他們現在擔心特首梁振英派錢益商界爭連任，多過政府做「守財奴」。
有立法會議員對季陶說，梁前半任期的「派錢」目標，主要是基層及低收入人士，不論泛民或建制議員，自然不會反對，甚至支持梁以增加經常開支去扶貧，那時候曾俊華提出成立未來基金，要將逾千億財政儲備「鎖死」，議員當然不滿及反對
為港人保住二千幾億
但如今梁振英對全民退保等措施不斷走數，反而開始想做一些假大空式「偉大構想」，一時說要搞科技產業、一時又說成立航運局發展香港航運業，難免令人猜測梁將派錢目標轉向商界，例如透過創科局成立，以百億基金扶助商界搞高科技產業，「講穿咗就係向商界派錢，爭取商界支持佢連任」，再加上近日政府基建不斷超支，不少泛民議員均認為，「與其畀梁振英拎儲備去搞乜嘢科技基金明益商界、又或拎嚟起大白象工程，不如將嗰2,000幾億鎖起佢好過」。
有泛民議員更陰謀論指，財爺將2,000多億土地基金結餘「鎖死」10年，「就算梁連任，都郁唔到呢筆錢，就算曾俊華唔再喺下屆政府做財爺，都可以挾住CY，唔畀佢連任後又再搞乜金發局，亂用公帑，最少同香港保住2,000幾億，算為香港人做件好事」。
季陶
周一、三、五刊出