聖誕將至，有得放銀行假，當然把握時機相約好友知己愛侶共度佳節，不過做得藝人，紅日放假絕對癡心妄想，正如吳千語，平安夜撞正有份演的《葉問3》上畫，想爭取時間約會男友林峯，機會好微！千語BB早前受訪時說：「呢段時間《葉問3》好多宣傳，應該冇乜時間見到佢（林峯），就算自己有得放假，都寧願留喺屋企休息，陪吓爹哋媽咪。其實唔一定要正日，之前我哋去咗英國玩咗幾日，都算慶祝咗！」
普天同慶的日子，千語BB祝願家人和朋友身體健康。至於最想得到的聖誕禮物，出乎意料之外，竟然是一個大焗爐：「咪睇我好瘦，識我嘅人都知我鍾意食嘢，去試唔同嘅大熱餐廳，就算要喺門口排隊都冇所謂。除咗食嘢，煮嘢食我都好拿手，嚟緊呢年如果有機會同時間，我直情想跟個chef（大廚）學烹飪，西式、中式都想整！」千語BB開到口恨做煮飯婆，林峯，識做啦！
採訪：王梓嫚
化妝：Zoe Fan makeup
髮型：Jo Lam of Queen's Private i Wardrobe
服裝：Isabel Marant of Lane Crawford