蘇麗珊前晚在新蒲崗為台灣組合Lollipop@F成員小煜的新歌《你永遠是對的》做MV女主角，她表示開工前已跟男友游學修「備案」。蘇麗珊被爆見家長跟男友家人一齊做冬，她大方承認說：「唔係去男友屋企做冬，而係落酒店度食，今次係第二次見家長，緊張到變咗石頭人咁。」蘇麗珊更直認男友都見過她的家人：「屋企人就話佢（男友）黑黑實實，幾老實，同埋屋企人都幾留意啲報道。有報道話游學修講過『靚女會屙屎』，𠵱家佢講嘢都會小心啲。」
另外，提到敖犬跟經理人曾志偉鬧翻，小煜表示他們仍是朋友，並無不和，亦不會覺得敖犬不夠義氣，他說：「每個人有自己想走的路，我不阻止還會祝福。」
採訪：黃曉妍
攝影：仇志德