上星期立法會審議《版權修訂條例草案》，民主黨黃碧雲（Big One）同公民黨毛孟靜到立法會大樓外俾示威者圍，Miss Mo事後仲暈一暈整傷條腰。有泛民事後話圍Miss Mo嘅人係熱血網媒記者，熱血支持者梗係唔認，但有讀者向《蘋果》報料，話當日熱血做網上直播，皇上黃洋達同佢個記者認咗㗎！
八方同事聽番，又真係噃。話說皇上當日做直播，一見Big One同Miss Mo就叫人X佢哋同圍Big One，現場佢哋個「記者」又照做噃！呢個時候皇上話有時記者同群眾角色好難分，記者則話：「我唔係記者，我𠵱家串流自己直播得唔得？」
皇上越講越high，仲叫熱狗大大聲鬧同圍Big One：「你𠵱家老屈嗰啲係熱狗吖！我𠵱家認呀！我直播認呀！你X佢我就當你係熱狗！」場外嘅花生指數真係爆燈。