《讀書好》雜誌第100期訪問搵嚟前財爺梁錦松講人生經歷，阿松話人生上半場順風順水，49歲做到財政司，殊不知遇上買車事件及沙士，最後離開政府。佢話反省過後自覺當年太自信、滅赤目標太急進，無照顧受影響者感受。
推介大師好書
阿松未必有教育局局長吳克儉咁勁月讀30本書，但佢話都鍾意用書本同市民溝通，做財爺時用《Who moved my cheese?》及《The Tipping Point》叫香港人要變，今次推介兩本書，一本係哈佛商學院創新理論大師Clayton Christensen作品《How Will You Measure Your Life?》，內容講人生並非用賺錢去量度，家庭、朋友、親人、婚姻更重要。另一本係歷史學大師Will Durant同Ariel Durant兩夫妻1968年作品《The Lesson of History》，阿松提到生物演化與歷史發展關係三大要素：競爭、選擇及數量，印證佢認為香港未來人口不足，影響力難以發揮，中紀委書記王岐山都推介過呢本書。