巴黎聖日耳門（PSG）喺法甲繼續無敵，上周六法甲憑「天使」迪馬利亞梅開二度，再加上伊巴謙莫域建功，最終以3:0作客大勝卡昂。伊巴喺今場個入球精采到不得了，佢喺離門20碼起腳，球速快到卡昂門將維哥特反應唔切，只可以望住個波喺死角入網。完成今輪賽事後，法甲亦開始歇冬；而PSG贏埋今場，戰績刷新至16勝三和○負，以51分遙遙領先。