【本報訊】一張「我要真普選」貼紙令香港體育學院划艇教練被拒諸門外。梁振英上周六到沙田體院出席活動，保安拒絕一名鄧姓划艇教練入內，要求她把背囊「我要真普選」貼紙遮蓋，該教練大嘆：「社會要腐化到一個咩程度，先會因為政見唔同，而唔畀入一個地方？」
梁振英當日到訪
鄧姓划艇教練於facebook稱，她前日回到體院，有兩三個保安上前攔截她，問她入體院目的，她指自己是教練，要到健身室工作，保安稱她不可以帶袋內進：「（保安）話我個袋唔可以入去，一係就要放入另一個袋遮住佢。我唔清楚發生緊乜事，平日都係帶呢個袋，於是問佢哋點解，佢哋先面有難色咁話689（梁振英）今日要嚟參觀。我先意會到原來係因為我袋上貼咗呢五個字，所以唔入得去畀689見到。」她曾向保安提出以衫遮袋，但不得要領。
該教練指當下感覺很荒謬：「我係咪唔小心帶住平反六四上咗天安門？」她指因趕着工作，加上沒抗議意圖，最後出動大背囊：「夾住個袋，遮住嗰五個字，先勉強入到去開工。」本報昨未能聯絡體院作回應。
■記者姚國雄