大家好本人阿寶芳齡廿六，柱子之身綠光普照，想當年中學同學，同我講出嚟做嘢，搵到錢慌媾唔到女咩，但估唔到我真係溝唔到女。
食力潮文 Part 1
阿寶篇﹕
作為工程兵我既能整電腦又能整電話，但就冧唔到女。左手成日同我講：「上得場就唔好怯，怯就得我陪你成世。
右手又同我講：「咪玩啦，人哋如果friend zone咗你就gg喇，揸返實個mouse啦。
就喺今日，女神嗰部手機居然跌咗喺我個位側邊！ 點解我知？梗係啦，連個mon貼都係我貼嘅。女神最鍾意壞咗啲乜嘢，要我幫佢整，扮晒蟹咁…咁屎嘅橋…我鍾意！就等我神之手破解第一重密碼難關，心形一解即破，Easy！
一心諗住趁還機之前，睇吓女神鍾意睇啲乜、影乜相，點知... 話都無咁快，佢就走嚟我前面搵電話，大佬無得唔畀啦！
唔知點解，突然飛雲上身，衝口而出約佢聖誕睇concert，佢答咗「我願意」呀！我有無聽錯？唔理啦，即買飛，唔敢再問係咪堅，怕我堅係聽錯...
約會日子到啦，成個星期瞓唔著咁濟。女神梗係要遲㗎啦，準時就唔係女神啦。一個鐘啫，兩個鐘啫，三個鐘啫，只要有生之年我都會等。喺飢寒交迫之際，我feel到一股仙氣，女神迎風而至。我好驚佢會同我講對唔住，所以搶住同佢講咗先。
發夢都估唔到，我哋一齊去咗食日本嘢，食咗最出名嘅丹麥魚子醬壽司。除咗金目鯛同油甘魚，女神仲不斷叫嘢食，咖喱蟹同燒羊鞍都叫埋。我估佢好鍾意我嘅安排，仲畀我偷望到佢偷望我......仲唔得米！
食完飯，無理由唔送人返屋企啫，但係我feel 到佢唔想，唔通我唔知咩。但我心足...
喺我失望之際...可能女神真係畀我感動咗，佢上咗我車呀！
食力潮文 Part 2
Bowie 篇﹕
作為女神界嘅代表，手下蝦兵蟹將過千，隨時調兵遣將於我乃等閒事。但係我就係搞唔掂成個木村投胎嘅J神，但係男人唔壞女人唔Buy。就算佢叫我買乜買物，我都無問題㗎，最緊要佢當我係佢其中一個女人就得，Mandy個「洗盡鉛華」都係咁啦。
但係冥冥中總有主宰，幫我解開心形鎖嘅，竟然係毒到不行嘅阿寶。
如果唔係J神放飛機，我都唔會神推鬼㧬，無啦啦同毒寶去咗食飯。好彩佢book咗我最鍾意嘅日本菜，嗰度啲刺身好新鮮，有我最鍾意嘅金目鯛同油甘魚呀！估唔到間餐廳嘅熱食都好出色，咖喱蟹同燒羊鞍都好得很！
鬼整佢，佢嗰晚「張圖文上身呀，喺J神身上真係搵唔到。如果佢戴住J神嘅面具，我會唔會就咁愛上佢？
食完飯，一個超級難以置信嘅場景出現，點解毒寶會揸住架波子㗎？諗返之前，佢成日Daddy前 Daddy後，唔通佢係富二代？！點解上天就係咁公平，有錢就無樣，無錢先有外表。好似我咁，天生一個花瓶，卻....
場地提供﹕至尊滿屋日本料理
（特約報道)