聖誕節未到，一大班聖誕老人已經喺沙田白石角海濱長廊出沒，當中仲包括入境處處長陳國基（KK）㖭噃！KK身形都算有份量，扮起聖誕老人都算似樣，若然加埋白鬍鬚，造型就更加似到足。但論吸睛度，梗係唔及現場一班聖誕美少女嘅靚靚look。
KK噚日粉墨登場，唔係去派禮物，而係支持由慈善機構寰宇希望舉辦嘅「千個聖誕老人慈善跑」活動，為低收入家庭籌款。而4位港產聖誕老人，包括Santa Apple、Santa Mario、Santa Banana以及Santa Rainbow，亦代表將軍澳中心參與企業組（接力）賽，身體力行做慈善。