曾跟連詩雅和陸永的索爆人妻Rainah舌戰爆慾照的Rapper曲赤，3年前被前妻希媛鬧爆疑搭上小三許穎（Phoebe）搞到離婚，曲赤除了緋聞精采絕倫之外，原來他的家族背景好複雜。據知，他來自江湖二代，爸爸馬天耀和大伯馬德（綽號）跟江湖人物「上海仔」都屬同一幫派，來頭甚猛。
剪MV向父致敬
昨日曲赤接受本報電話訪問，坦承自己是江湖二代的身份，他說：「係！爸爸之前其實都係生意人，做過好多唔同生意，包括開地產舖賣樓、亦拍過好多部電影，自己想寫首歌向爸爸拍過嘅電影致敬，例如自己好鍾意佢拍嘅《轟天綁架大富豪》，講某個富商兒子被綁架，呂良偉同葉童做嘅，自己會將爸爸拍過嘅電影剪輯成MV，因為佢為電影付出，拍過一啲好好睇嘅戲。」
曲赤的爸爸早已過世，當時有報道他是跳樓身亡，曲赤說：「2003年佢患咗癌症，當時自己仲細唔識處理，𠵱家媽咪都有癌症，因為我用自然療法幫佢，𠵱家身體狀況好好多，希望媽咪會冇事！始終自然療法唔係100%醫好人，只係機會大啲同令人舒服好多。」
問曲赤入行前曾否加入幫會？他說：「冇冇冇。」當年跟連詩雅和陸永老婆拍拖時，兩人知道他的江湖二代背景嗎？他說：「唔知。」擔心自己的背景會影響在娛樂圈發展嗎？曲赤說：「唔擔心，呢行好多藝人，我唔開名，佢哋都可能都係江湖二代，但屋企事唔係好關你事，因為本身唔係。」圈中有人知他的背景嗎？曲赤說：「冇乜人知。」
採訪：皓騫
