巴黎手袋品牌Sequoia去年秋冬進軍時裝界，以香港為基地由何嘉莉任創作總監，日前何嘉莉於品牌位於北角的VIP Lounge接受訪問，大談由歌手轉型做stylist，到今天夢想成真成為時裝設計師。
唯一手袋
何嘉莉曾修讀Fine Art和短期設計課程，「設計咗三個系列，仲有好多嘢要學，一季大概要做80個款，平時鍾意畫畫，𠵱家做緊自己有興趣嘅工作，由最初入行做歌手到做stylist同開過時裝店，細個夢想做設計師一步步達成，覺得自己好好彩。」
平日穿衣以中性為主，多少也將自己的喜好放入設計中，「設計主要簡約、中性同埋玩顏色，都有放女性化元素，新季春夏仲加強女性化嘅ruffles同透視，剛中帶柔。」何嘉莉還小試牛刀設計了一個手袋，獲潮人兼好友徐濠縈多次於Instagram po相力撐。
轉行做設計師，讓不擅辭令的何嘉莉更自在，「以前做藝人要面對記者，我講說話唔叻，𠵱家專注設計感覺舒服好多，下一步希望可以加強自己嘅設計，我係完美主義者，一邊做一邊儲經驗，將來希望可以做埋男裝。」
上月跟機師男友Gerald Sze再婚，與前夫育有一子，如何分配工作與家庭？何嘉莉說：「丈夫比較喜歡獨立嘅女性，都會計劃生BB，但都係要順其自然。」
撰文：顏英儀