加利佬自12月初掌「蝙蝠軍團」華倫西亞以嚟，到𠵱家都仲未喺西甲贏過。蝙蝠喺上周六迎戰基達菲，對方嘅沙拉比亞喺10分鐘先開紀錄，但過咗五分鐘柏高艾卡沙就就入番球。兩軍上半場腳風大順，拿菲達喺22分鐘把握到艾登路亞失誤，幫客隊取得領先優勢。不過喺34分鐘後衞荷西加耶傷出，後備入替嘅辛迪文拿一分鐘內就為蝙蝠軍團建功，追平至2:2完場。