陳慧琳（Kelly）前晚假紅館舉行第二場騷，着deep V性感熱舞的Kelly，因跳得太勁打底走位露出少半個肉色bra；感性的她致謝時變大喊包淚如雨下，嘉賓雷頌德上台笑說：「你唔使喊住多謝人，你係我見過呢行之中最勤力歌手，人哋練兩次，Kelly就練過百次，我多謝你就真。」
張家輝再做嘉賓，並笑Kelly用白花油驅風：「白花油喺個肚臍入到去，經過小腸氣打番上胃，影響氣管，我又驚你有事喎。」全場爆笑。完騷後被問到走bra？她大叫：「死啦，走咗幾多呀？有冇走光呀？哦，少少啫，嚇死我，要叫服裝部同事幫我睇緊啲同貼緊啲。」問有否想過唔戴bra？她說：「唔得，我覺得好冇安全感呀，裏面空空蕩蕩咁唔慣。」
撰文：皓騫