前晚Kelly邀請嘉賓張家輝上台時表示：「頭先鍾珍（經理人）話有人嚟收『陀地』，仲要係驅魔人嚟。」同屬鍾珍門下的家輝上台時叫Kelly做師姐，他說：「剛才你嗰個V落到去肚臍，你有冇用啲泥膠封住佢？今晚又轉涼。」家輝明言以宣傳部身份上台，因為最近拍了一套戲，是恐怖片，不過不是好驚，他又大讚自己套戲好好睇：「一個字，好睇到冇朋友！」觀眾即起哄為家輝歡呼：「好呀！好呀！」家輝接着說：「大家係成年人，唔好好似啲老臨咁，齋畀反應，要記得去睇。」
之後，張家輝唱出《你是我心愛的姑娘》，但是唱到一半就甩嘴，他即刻叫停，笑一笑並說：「阿Mark（雷頌德）再嚟多一次，唔該！」然後認真地唱完一首歌。