陳偉成（Avis）前年與舊愛陳蕊蕊隔空開拖，當時女方還獲新歡金剛幫口向Avis開火，估唔到最近Avis與陳蕊蕊化敵為友，兩人早前一齊出席足球活動。Avis前晚在旺角健身中心開聖誕P，陳蕊蕊單拖來參加，同場還有黃榕和BOP成員Gordan。
眾人圍爐BBQ，Avis對陳蕊蕊照顧有加，其後又交換禮物，陳蕊蕊抽到面膜和潤手霜，Avis則抽到修甲套裝。記者昨致電Avis，問到他與陳蕊蕊冰釋前嫌內情，他說：「其實之前報道大咗，我哋私下冇嘢，今次搞P就叫埋佢。」陳蕊蕊更有幫襯Avis的健身院做gym，Avis笑言：「噚晚佢哋咁食法，最少加操4堂。」
採訪、攝影：陳杰