【重出江湖】
美國加息，全城鋤價，還低一成是最基本，更誇張兩、三成都有。銷聲匿迹多時的炒家更重出江湖，準備執平貨，揚言要300萬元買沙田第一城。
美聯何智豪表示，樓價急跌，炒家也蠢蠢欲動，好似他有一位舊客，炒開沙田第一城，但已在樓市消失了兩至三年，近期已重投市場找貨。半年前第一城兩房戶平均價要420萬至430萬元，現已跌到360萬元，跌幅逾一成。該炒家表明，「如果有300萬貨，可以唔睇樓，即時畀票」，佣金更高達2%。如果真是300萬元成交，第一城半年樓價跌近三成，相當驚人。
代理又指，年尾至農曆新年期間，一向是樓市淡季，「撞正埋加息，業主一定好好鋤，預計下月中前，第一城樓價有機會跌落310萬至330萬。」
代理：啲客太狼
祥益地產蕭嘉偉表示，天水圍嘉湖山莊亦掀鋤價潮，形容「啲客太狼，太貪心，要劈兩成，但業主都唔係流係有實力，冇人肯制。」例如蕭嘉偉有個客傾緊樂湖居一個高層兩房戶，質素中上，有景觀有裝修，加息前買賣雙方已差不多傾掂數，業主實收340萬元，差兩至三萬元上落，但加息後「客都縮埋」，話驚買貴及要計算按揭，即時鋤價逾一成，縮到只肯畀300萬元，雖然業主最後肯退一步，減多一口價落到330萬元，買家都不肯，一定要300萬元。