蘇永康、傅明憲和Rosemary等前晚出席酒吧開幕派對，身為梅艷芳好友的康仔，對於梅姐的新秀和金像獎仍舊在網上進行拍賣，他坦言用「欷歔」兩個字形容。他說：「相信冇人會否認佢（梅艷芳）係香港女兒，秋生講得啱，獎項除咗個人努力，仲係團隊、幕後嘅努力，要將呢啲獎項攞出嚟拍賣，我個心會骾住，安仔（許志安）就形容係人格上零分，我覺得係人格同人性嘅負分。」
康仔又認為拍賣事件發生，大家應該心裏有數，他希望政府可以為梅姐成立紀念館，將梅姐的獎座放在應該存放的地方。問到康仔有否幫手參與拍賣力保遺物，他說：「其實大家心照，錫梅姐嘅人就會分頭做嘢！」
採訪：張俊銘
攝影：陳志嵐