舊年做咗政協委員嘅陳小春，富貴到早前豪掟7000萬買入大埔逸瓏灣三千八百呎相連單位，咁厲害喎，所以老婆應采兒前年生咗囝囝Jasper後，搵錢嘅重任就落咗喺小春身上，應采兒就主力負責湊小春子!
現年兩歲嘅小春子Jasper，樣貌似足爹哋陳小春，尤其嗰對單眼皮嘅眼，不過應采兒一直冇乜喺微博晒囝囝嘅全相，通常會以卡通公仔圖案遮住囝囝個樣，點知昨日忽然於微博貼出囝囝睇讀書相：「現階段不給他玩iPad，還是有點用的，做個讀書人～陳家靠你了～」相中所見，Jasper似乎好鍾意睇書，而且個樣仲越嚟越似爸爸，真係十足倒模咁款。