【本報訊】近年老店相繼結業，屹立中環70年的老字號民園麵家，從鴨巴甸街搬到伊利近街，街邊檔轉戰到地舖，主打牛腩、豬手和水餃，高峯期每日賣出500碗麵，但一切將會成為歷史。10年前因牌照風波，3,000人聯署保留民園麵家，成為一時佳話，麵店主理人李建成夫婦近日有感年事已高，無人繼承老店寶號，決定明年3月結束營業。
記者：梁佩珊
民園麵家曾是中環的鐵皮檔老字號，2005年排檔持牌人黃光慶去世後，排檔牌照被自動吊銷，觸發市民去信時任特首曾蔭權，事件促成政府修例，引起社會迴響。10年過去，李氏夫婦亦早已搬遷至離舊排檔五步之距的地舖，下年3月亦將會結束。
63歲的李太笑言，丈夫負責炆牛腩豬手、包雲吞水餃，她則負責看舖煮麵，二人攜手從拍拖年代接手經營民園，直至今日已有三子四孫。李氏夫婦選用食材講究，「我哋嘅麵𤩹水味不重，以爽口為主，因為老公本身好鍾意食麵，識得食、於是識得買」。李太指水餃亦用料認真，「水餃餡多，配料越多，越難放得耐，我哋放韭黃，其他店唔敢放，因為韭黃放得耐有味」。
老店經營的亦是人情味，李太表示做老闆自家經營小店的好處是可以「賣大包」，「我鍾意淥多條菜，放多舊牛腩畀人，如果我打工會畀老闆鬧」。多年來，民園座上客不乏名人，「發哥嚟過4次，有次落雨開車嚟，佢話『我有車、又有遮，怕乜呢』；黃秋生有次嚟，話我呢度好難揾，同我講係佢個仔介紹佢嚟食麵」。昨日更見名模周汶錡到場光顧。
最不捨街坊熟客
中環地舖的租金沒有大幅加價，但近年來貨貴、人工高，夫婦二人已屆退休年齡，經營麵店工作時間長，連洗碗也要親力親為，早已做到身體勞損，「退休喇！仔女各有自己事業，冇興趣繼承」。老店結業，李太坦言最不捨的是街坊熟客。