周四嘅意盃16強，意甲AC米蘭同拉素齊齊奏捷。A米教練米赫洛域面對舊東家，完全冇手下留情，憑麥巴耶尼安同卡路士巴卡嘅入球，輕取少打一人嘅森多利亞2:0，晉級後會遇上卡比。同日另一場，拉素憑馬特尼同卡達迪各建一功，以2:1反勝烏甸尼斯，終於結束自10月29日開始，喺國內賽事七場不勝嘅頹勢；不過八強要硬撼上屆意盃冠軍祖雲達斯。