電訊盈科旗下的香港電視娛樂（ViuTV）將於明年4月正式啟播，早前邀請「大佬孝」邵仲衡、新聞王子柳俊江及黃心美等開拍頭炮劇《瑪嘉烈與大衛》，可惜高層看過十幾集存貨後，嫌太old school「唔收貨」，要另找外援製作公司執手尾。
停工近半個月，邵仲衡和黃心美日前終於復工到小西灣街頭取景，劇情講述心美拎住榴槤上邵仲衡的的士上，邵仲衡覺得好臭，但仍被心美逼玩自拍。邵仲衡表示與首次拍劇的心美仍需時間去熟絡，問到可介意重拍？他說：「我都係咁收錢之嘛，仲可以試唔同演繹方法。」是否對劇集有信心？他說：「今次影像效果比之前更講究，我覺得係同一般電視劇係有分別，我認為係好事。」
採訪、攝影：嵐山