周焯華(洗米華)嘅情人Mandy Lieu相隔9個月回港，噚晚強勢回歸，點知佢落完機竟然仲好好精力走去打邊爐，不過最估唔到係，洗米華明知有咁多記者，仲以身犯險走到去齊齊邊爐樂。
昨晚上11點13分左右，洗米華由後巷匆匆咁、一支箭咁，衝咗入火鍋店，join極黑Mandy!洗米華由後巷出來時，更以手遮面…
食咗超過一個鐘，Mandy同洗米華終於都飽飽，凌晨12點10分左右，佢兩個同另外同行幾個人一齊步出食店，Mandy仲同洗米華一齊上七人車離開。以為同車離開已經好高調，未算，佢哋送完幾個朋友之後，仲一齊返去傳係洗米華之前豪花近億買畀Mandy嘅西半山豪宅珒然，二人落車之後，洗米華仲當住在場近二三十個記者面，大方拖住Mandy入大廈呀，擺明當老婆Heidi冇到喎。