周三意盃16強雖然都有拿玻里同祖雲達斯等晉級，但亦有強隊落馬，羅馬打到120分鐘都係同乙組仔史柏斯亞摸和0:0，最後互射12碼仲以2:4輸埋。羅馬嘅法國教練魯迪加西亞繼續被炮轟，但佢就堅持唔會辭職。最好笑係《法國足球》雜誌周三公佈今年最佳法國籍教練選舉，領巴黎聖日耳門拎法甲冠軍嘅白蘭斯排第一，魯迪加西亞竟然都排第三，相反阿仙奴領隊雲格都只係排第八咋。